Bygdakino

Eldrid(veninna mi) skulle køyre småsøskena sine på kino i dag - ho spurte om eg ville vere med, så kunne vi sjå han og. Eg heiv meg med.. tenkte "kino på Sørbøvåg, woho! (not)"
eg tenkte at det sikkert hadde fornya seg sidan sist eg var der - men neida.
Vi kom altfor tidleg..stod uttafor og hang ei stund, køa blei større og større. Det overaska meg over kor mange som møtte opp. Det e såpass langt å køyre for mange, slik at far/mor like godt blir der og ser filmen dei og. I dag var det no ein film for begge aldrar. "Pirates of The Caribbean 3". Det var vel première i går, allerede på Sørbøvåg Bygdakino i dag. Kinda neat.

Stolane står på samme høgdenivå - rett på gulvet. Det er eit stort kvitt tøystykke til lerret på veggen. Bakerst set dei kule typane i bygda. Der kan du kjøpe nokre forskjellige brussortar, sjokolade, chips og popcornpakkar som er poppa i microen. Vi set veldig tett på vanlege stolar. Alle veit kem alle er - før filmen startar er lydnivået høgt.
Det kan høyres harry ut, ja.. men.. det er jo litt teit, morsomt, intimt og sjarmerande. Alt er så meir.. ekte. Meir sosialt enn andre kinoar. Det var faktisk bra kvalitet på både lyd og bilete òg vil eg påstå. Etter ein time så er det bråstopp i filmen og folk reiser seg og går ut for å ta seg ein røyk, frisk luft, kjøpe meir popcorn eller springe rundt og tulle. Det er skifte av filmrull. (!) Eg trur ikkje det er så mange plassar dei gjer det endå, eller er det det? Det var ein lang film, 2 pausar på 5 min.
Etter kinoen avtalte mange å stikke å spele fotball og diverse.

Eg er verkeleg på bygda,
og det føles bra
- berre det ikkje blir for lenge av gangen ;)